Ағымдағы жылдың 19 маусымында Түркістан облысында орналасқан азық-түліктік белдеу аймағында өңір басшысы Ө.Е. Шөкеевтің және аймақтың ауыл шаруашылығы саласының басқа  жауапты басшыларының қатысуымен семинар-жиналыс өтті. Облыс әкімі Өмірзақ Естайұлы құттықтау сөзінен кейін «Түркістан» ӘКК» АҚ Басқарма Төрайымы А.Т. Ахмеджанова мен «Қазақ егіншілік және өсімдік шаруашылығы ғылыми-зерттеу институты» ЖШС Бас директоры А.В. Агеенко баяндама жасады. Спикерлер өз сөздерінде инвестициялық жобаларды дамыту мен жүзеге асыру, сонымен қатар, азық-түліктік қауіпсіздік пен жетістікті бизнес жайында сөз қозғады.

Іс-шара барысында көрсету учаскесінде күздік бидай өнімін жинауға салтанатты түрде рұқсат берілді. Сондай-ақ, екінші өнімді алу үшін жүгері мен соя дәндері (нөлдік технологиямен) себілді.  Бұл егістіктер «Түркістан» ӘКК» АҚ-ның «Ақ-Жол» ЖШС-мен бірлескен инвестициялық жобаны жүзеге асыру аясында сатылып алынған жаңа жаңбырлатқыш қондырғылардың көмегімен суарылатын болады. Алдын ала есеп бойынша, күздік бидайдың өнімділігі гектарына 30-дан  50 центнерге дейін болады деп болжануда. Жиналып алынған өнім жемшөп қор ретінде Шаға ауылдық округіндегі Ынтымақ ауылында салынып жатқан сүтті-тауарлы фермасына жіберілетін болады.