Түркістан облысының азық-түлік тауарларының тұрақтандыру қоры бұл агроазық-түлік нарығына реттеушілік әсер ететін және облыс аумағында азық-түлік қауіпсіздігін қамтамасыз ететін азық-түлік тауарларының жедел қоры.

ҚР Үкіметінің 2011 жылғы 23 қыркүйектегі №1089 қаулысымен әлеуметтік маңызы бар тауарлар тізбесі бекітілді, оған сәйкес Түркістан облысының тұрақтандыру қоры құрылады.

Қазақстан Республикасының заңнамасына сәйкес тек отандық өндірушілер ғана азық-түлік тауарларын жеткізушілер бола алады.

Азық-түлік тауарларын сатып алу Түркістан облысының тұрақтандыру қоры комиссиясының шешімдеріне қатаң сәйкестікте жүргізіледі, онда тұрақтандыру қорының мұқтаждықтары үшін өнімдерді сатып алу тізбесі, көлемі мен бағасы бекітіледі.

Сатып алынған көлемді өткізу тұрақтандыру қорын басқару жөніндегі комиссияның отырысында бекітілген бағалар бойынша, азық-түлік тауарларының бірдей түрлеріне сатудың орташа өлшенген жалпы қалалық бағасынан төмен жүргізіледі.

Бүгінгі таңда тұрақтандыру қорында 446 млн.теңге сомасына 5 384,4 тонна тауар бар. Бұл 1 сортты ұн, картоп, сәбіз, пияз, қант, күріш, макарон, тұз.

Түркістан қаласында тауарлар 13 әлеуметтік дүкен мен 5 супермаркет арқылы сатылады.

Бұдан басқа, 2021 жылы Түркістан облысының 6 аудан әкімдігімен (Сайрам, Түлкібас, Шардара, Қазығұрт, Сарыағаш, Келес) бірлесіп 16 ауылға көшпелі сауда жүргізілді. Халыққа жалпы сомасы 12,6 млн.теңгеге 101 тонна тауар сатылды.

Сондай-ақ, облыстың тұрақтандыру қорының азық-түлік тауарларын өткізу нүктелерін (дүкендер, супермаркеттер, сауда үйлері) ұлғайту мәселесі пысықталуда.