2021 жылдың наурыз айында «Бастау Бизнес» жобасының түлектеріне қолжетімді қаржыландыру ұсынатын « Атамекен-Түркістан» МҚҰ» ЖШС құрылды.

 ҚР Премьер-министрі Асқар Маминнің төрағалығымен өткен кәсіпкерлік мәселелері жөніндегі жобалық кеңсенің отырысында Түркістан облысының әкімдігіне «Бастау Бизнес» жобасының түлектерін қолжетімді қаржыландырумен қамтамасыз ету мақсатында микроқаржы ұйымын құру тапсырылды. Отырыстың хаттамасына сәйкес ұйым өз қызметін «Атамекен» ҰКП-мен бірлесіп жүзеге асыруы тиіс. Мәселен, ағымдағы жылдың наурыз айында «Атамекен-Түркістан» МҚҰ» ЖШС құрылды, онда «Түркістан» ӘКК Түркістан облысы әкімдігінің өкілі ретінде қарастырылды. МҚҰ құрудың алғышарты елде қалыптасқан экономикалық жағдай болып табылады. Шектеу шараларының енгізілуіне байланысты көптеген қазақстандықтар күнкөріс қаражатынсыз қалғандығы және экономикаға қосымша мемлекеттік қолдау қажет екені анық.

Жалпы, МҚҰ «Бастау» бағдарламасы бойынша оқудан өткен, өзін-өзі жұмыспен қамтығандар мен жұмыссыздарды жеңілдікпен несиелеу үшін құрылған. Алдағы уақытта «Атамекен-Түркістан» МҚҰ «Нәтижелі жұмыспен қамтуды және жаппай кәсіпкерлікті дамыту бағдарламасы» аясында жаңа іс бастаған кәсіпкерлерге қолдау көрсетуді жоспарлап отыр.

Анықтама: «Бастау-бизнес» жобасы бойынша оқыту кәсіпкерлік бойынша базалық білім алуды көздейді. Бизнес-жоспарды қорғағаннан кейін қатысушылар кәсібін іске асыру үшін қолжетімді шарттармен қажетті қаражатын алу мүмкіндігіне ие болады. Сонымен қатар, кеңесшілер қатысушылардың сұрақтарына жауап беріп, қажетті көмекпен қамтамасыз ететін болады. Кәсіпкерлерге қызмет көрсету орталықтарында (КҚКО) қарыз алушы куәлікпен, ЭЦҚ-мен жүгіне алады, онда бір терезе қағидаты бойынша микрокредитке өтінім бере алады және мемлекеттік дерекқордан қажетті құжаттарды жинауға мүмкіндігі болады. Ауылдық жерлерде ісін жаңа бастаған кәсіпкерлерді қолдаудың тиімді экожүйесі тұрақты жұмыспен қамтуды және өңірлер экономикасының өсуін қамтамасыз етеді