Түркістан облысының азық-түлік белдеуін дамыту бағдарламасы аясында Кентау қаласының Шаға ауылдық округінде 400 га алаңда Түркістан облысының ауыл шаруашылығы тауар өндірушілері арасында алынған тәжірибемен алмасу үшін бау-бақша шаруашылығында көрсеткіш алаңының құрылысы жүргізілуде.
Онда шамамен 200 мың түп бір жылдық қара өрік көшеттерін отырғызу жоспарлануда. Бақтың өзі заманауи және озық израильдік технология бойынша тамшылатып суару жүйесімен жабдықталады.
Мұнда Black Splender, Black Dimond және Angeleno сияқты ең шырынды сорттары өсіріледі. Қолайлы климаттық жағдайда көшет отырғызғаннан кейінгі үшінші жылдан бастап 1 га бақшадан алынатын ең төменгі өнімділік жылына 20 тоннаға дейін жетеді. Толық өндірістік қуаттылыққа 7 жылда шыға алады.
Болашақта бұл жоба жеміс сақтау қоймасын, сұрыптау желісі мен тікелей сығылатын шырын өндірістерін салу арқылы кеңейтіледі деп жоспарлануда. Бүгінгі таңда «Түркістан» ӘКК» АҚ мен «Dala-Fruit.kz» ЖШС бірлескен күшімен іске асырылып жатқан жоба аумағында аумақты жобаны іске қосу бойынша дайындық жұмыстары қарқынды жүргізілуде.
