Түркістан облысының Мақтаарал ауданында 2020 жылдың мамыр айында су тасқынынан туындаған төтенше жағдайдың салдарын жою жұмыстары аяқталуға жақындады.
Бүгінгі таңда Фирдоуси және Өргебас ауылдарында жеке тұрғын үй салу үшін төлем алуға 503 шарт жасалды. Оның ішінде 80-ге жуық үйде тұрғындар қоныс тойын тойлап, тағы 405 ғимаратта қабырғалар тұрғызылып, шатыр орнату жұмыстары жүргізілуде.
Сонымен қатар, ауылдардағы 80 отбасына арнайы сатып алынған жатын бөлме жиһаздары табыстанды.
Мақтаарал тұрғындарына өз үйлерінің құрылысына арналған 17 млн. теңге өтемақысы үш траншпен төленуде. Мәселен, 28.09.2020 ж. күнге үй құрылысына төлемдерді жүзеге асыру шеңберінде 200 отбасы жалпы сомасы 850 000 000 теңгеге екінші транш алды.
Бүгінгі таңда, ӘКК жанындағы Қор 4 250 000 теңге мөлшерінде қорытынды траншты төлеу бойынша жұмыстарды бастады.
