«Түркістан» әлеуметтік даму корпоративтік қорының шотына су тасқынынан зардап шеккен Мақтарал ауданының тұрғындарына көмек көрсету үшін қаражат түсуі жалғасуда.

Осылайша, Kaz Minerals Тобы Мақтааралда зардап шеккен тұрғындарға көмек көрсету үшін 1 миллиард теңге бөлді. Алынған қаражат тұрғын үйді қалпына келтіруге және шығынды өтеуге жұмсалады. Оның сомасын Түркістан облысы әкімдігі жанындағы арнайы комиссия анықтайды.

Ауданда қалпына келтіру-құрылыс жұмыстары қарқынды жүріп жатыр. Бүгінгі таңда Мақтарал ауданында жаңа шағын ауданның құрылысы жалғасуда. Сонымен қатар, Фирдоуси және Өргебас ауылдарының тұрғындары өтемақы ретінде төленген қаражат есебінен өз үйлерінің құрылысын бастады.