Бүгінгі күні облыс орталығының жаңа әуежайына апаратын жол бойында орналасқан, Түркістан қаласы аумағындағы азық-түлік белдеуінің құрамына кіретін алхоры бағы 400 га алаңға көшет отырғызу жұмыстары аяқталды.

Өткен жылдың соңынан бастап "Түркістан" ӘКК 400 га алқапта бау-бақша саласында көрсету алаңын салу және ұйымдастыру бойынша инвестициялық жобаны іске асыру бойынша жұмысты бастады, бұл бақтарда бағалы, жемісті және жоғарғы сұрыптың алхоры өсірілетіні белгілі. Аталмыш сұрыптар Түркістан климатына төзімді, нарықта сұранысқа ие және жоғары экспорттық әлеуетке ие. Алхоры бағы 3-5 жыл ішінде алғашқы нәтижелерді көрсететіні , ал жеміс берудің толық мерзіміне жеткенде, бақтың өнімділігі әр гектардан 20 тоннаға дейін жетеді деп жоспарлануда.

Қазіргі таңда ұңғымаларды бұрғылау және 200 мыңнан астам көшет отырғызу жұмыстары аяқталды. Сондай-ақ, бақша Израильдің тамшылатып суару жүйесімен жабдықталған, ұңғымалары мен су қоймалары (резервуарлар) бар сорғы станцияларымен жабдықталған.

Жалпы, алхоры бағын құру жобасын іске асыру тұтынушылардың сұранысын қамтамасыз етеді, ал осы типтегі бақтардың қызмет ету мерзімі 25 жылдан жоғары. Алдағы уақытта жоба сыйымдылығы 10 мың тоннаны құрайтын заманауи жеміс сақтау қоймасымен, қуаттылығы 8 тонна/сағ болатын жеке сұрыптау желісімен жарақтандырылатын болады. Сонымен қатар, алынған жемістерден тікелей сығылған шырындар өндірісі ұйымдастырылатын болады.

* Сурет иллюстрациялық