Инвестицияларды мемлекеттік қолдаудың мақсаты экономиканы дамыту үшін қолайлы инвестициялық ахуал жасау және қазіргі заманғы технологияларды қолдана отырып, жаңа өндірістерді құруға, жұмыс істеп тұрғандарын кеңейтуге және жаңартуға инвестицияларды ынталандыру, қазақстандық кадрлардың біліктілігін арттыру, сондай-ақ қоршаған ортаны қорғау болып табылады.

Инвестицияларды мемлекеттік қолдау инвестициялық преференциялар беру болып табылады.

Инвестицияларды мемлекеттік қолдауды инвестициялық келісімшарттар жасасу және олардың орындалуын бақылау жөніндегі Қазақстан Республикасының Үкіметі айқындайтын Инвестициялар жөніндегі уәкілетті орган жүзеге асырады.

Қазақстан Республикасының заңнамасына сәйкес инвестициялық, инвестициялық басым және арнайы инвестициялық жобалар үшін инвестициялық преференциялар беру тәртібі көзделген.

Қазақстан Республикасының заңнамасына сәйкес берілетін атаулы сипаттағы артықшылықтар инвестициялық преференциялар болып табылады:

• инвестициялық жобаны іске асыруды жүзеге асыратын Қазақстан Республикасының заңды тұлғаларына;
• инвестициялық жобаны іске асыратын Қазақстан Республикасының заңды тұлғасы үшін қаржы лизингі шарты негізінде технологиялық жабдықты импорттайтын лизингтік компанияларға.
• Қазақстан Республикасының заңды тұлғасы - Қазақстан Республикасының заңнамасында белгіленген тәртіппен құрылған заңды тұлға, оның ішінде шетелдік қатысуы бар заңды тұлға.

Инвестициялық жоба бойынша инвестициялық преференциялардың мынадай түрлері ұсынылады:

• кеден баждарын және импортқа қосылған құн салығын салудан босату;
• мемлекеттік заттай гранттар.

Инвестициялық басым жоба бойынша инвестициялық преференциялардың мынадай түрлері беріледі:

• салықтар бойынша преференциялар:
• инвестициялық субсидия;

Инвестициялық преференциялар түріндегі арнайы инвестициялық жоба (бұдан әрі - арнайы инвестициялық жоба үшін инвестициялық преференциялар) бойынша салық салудан босату ұсынылады:

• кедендік әкелу баждарымен;
• Қазақстан Республикасының салық заңнамасына сәйкес салықтар.