Түркістан облысының Мақтаарал ауданында орналасқан ауданы 50 га «Орталық Азия «Халықаралық өнеркәсіптік кооперация орталығы» өңірлік маңызы бар индустриялық аймақты кейінгі басқаруға беру үшін инвесторды іріктеу жөніндегі Конкурс. 

Конкурсты ұйымдастырушы: «Turkistan» индустриалды аймақтарының басқарушы компаниясы» жауапкершілігі шектеулі серіктестігі (бұдан әрі – Серіктестік)

Байқаудың мақсаты: Түркістан облысы Мақтаарал ауданында орналасқан «Орталық Азия» Халықаралық өнеркәсіптік кооперация орталығы» өңірлік маңызы бар индустриялық аймағын дамыту.

Конкурсты өткізу мерзімдері:

• конкурс 02.02.2024 жылдан 07.02.2024 жылға дейін (6 күнтізбелік күн) өткізіледі;
• конкурсқа қатысуға өтінімдер 02.02.2024 жылдан бастап 05.02.2024 жылға дейін (қоса алғанда) (4 күнтізбелік күн)беріледі;
• өтінімдерді қарау және сараптамалық қорытындыларды дайындау мерзімі 06.02.2024 жыл (1 жұмыс күні);
• конкурстың қорытындысын шығару мерзімі 07.02.2024 жыл (1 жұмыс күні).

* Бұл ретте серіктестік конкурсқа қатысуға өтінімдер беру мерзімдерін қоспағанда, конкурс мерзімдерін ұзарту құқығын өзіне қалдырады.

Серіктестік құқылы:

• ұсынылған өтінім бойынша шешім қабылдау үшін қажетті қосымша құжаттарды, ақпаратты сұратуға;
• конкурс шарттарына сәйкес келмейтін және өтінімдерді берудің белгіленген мерзімінен кейін конкурсқа қатысуға түскен өтінімдерді қабылдамауға;
• қайта хабарландыру кезінде конкурсқа қатысуға өтінімдер болмаған жағдайда конкурс шарттарына немесе біліктілік талаптарына өзгерістер енгізуге;
• конкурс шарттарына (талаптарына) сәйкес келген кезде конкурсқа қатысуға алынған жалғыз өтінімді қарауға;
• конкурс аяқталғанға дейін конкурс өткізуден бас тарту туралы шешім қабылдауға құқылы.

Инвесторларға қойылатын біліктілік талаптары:

• кемінде 6 ай мерзімге заңды тұлғаны мемлекеттік тіркеудің болуы.
• банкроттықтың және/немесе таратудың, оңалтудың ағымдағы рәсімдерінің болмауы. Өтінім берген сәтте Инвестор сот талқылауында тарап болып табылмайды, инвесторға және оның мүлкіне атқарушылық іс жүргізу болмайды. Инвестор және оның басшылары, құрылтайшылары терроризм мен экстремизмді қаржыландыруға байланысты ұйымдар мен тұлғалар тізбесіне енгізілмеген;
• инвестордың қаржылық және өзге де есептілігіне сәйкес өтінім беру күнінің алдындағы соңғы 6 айдағы және соңғы есепті кезеңдегі инвестордың залалсыз қызметі. Заңды тұлғаның тіркеу мерзімі 6 айдан аз болған жағдайда – инвестор тіркелген сәттен бастап барлық кезеңдегі залалсыз қызмет. Бұл ретте соңғы 2 жылдағы және соңғы есепті кезеңдегі залалсыз қызметпен кемінде 6 ай жұмыс істейтін инвесторды аффилиирленген компанияға тарту қажет;
• салықтар және өзге де міндетті төлемдер бойынша мерзімі өткен (өтелмеген) берешектің, сондай-ақ Екінші деңгейдегі банктер алдында мерзімі өткен (өтелмеген) кредиторлық берешектің БКБ есебіне, қаржы институттары мен ұйымдарына сәйкес 90 күннен артық болмауы;
• инвестордың құрылтайшыларының/ қатысушыларының/ акционерлерінің жобаны іске асыру үшін қажетті ақша қаражатын беру ниеті туралы жазбаша шешімі (шарттармен);
• жобаны іске асыру үшін қаржыландыру көздерінің болуын растауы;
• жобаны қаржылық қамтамасыз етуді мынадай тәсілдердің бірімен растау: ақшамен; банк кепілдігімен; кепілгердің осы тармақта өтініш беруші үшін көзделген тәсілдермен кепілгердің қаржы қаражатының болуын Растауды қоса бере отырып, кепілгерлікпен; мүлік кепілімен; сақтандыру шартымен.

Өтінімдерді ресімдеуге және беруге қойылатын талаптар:

• Серіктестіктің өтінімді қарауы үшін инвесторға конкурс мерзімі аяқталған күннен кешіктірмей осы хабарландыруға №1 қосымшаға сәйкес құжаттар топтамасын (қағаз және электрондық форматта) ұсыну қажет;
• Әрбір инвестор конкурсқа қатысу үшін біреуден артық өтінім бере алмайды;
• Өтінімді өзгерту немесе кері қайтарып алу туралы өтініш серіктестікке өтінімдерді қабылдау мерзімі аяқталғанға дейін келіп түскен жағдайда, Инвестор конкурсқа қатысуға өтінімді өзгертуге немесе кері қайтарып алуға құқылы.
• Өтінімдерді қабылдау орны: Түркістан қ., Балтакөл трассасы,
  161 квартал, 2400 құрылыс.

Жобаның сипаттамасы:

Инвестордың міндеті:

1. Ауданы 50 га «Орталық Азия» Халықаралық өнеркәсіптік кооперация орталығы» өңірлік маңызы бар индустриялық аймақ аумағында ішкі инженерлік инфрақұрылым (газбен жабдықтау, электрмен жабдықтау, сумен жабдықтау, кәріз, автожол, телекоммуникация, ТЖ-жол, БӨП Кедендік бақылау аймағы, қоршау, абаттандыру) салу;
2. Өнеркәсіптік кооперацияны дамыту үшін инвестициялық жобаларды іске асыру үшін ауданы 50 га жер учаскесіне инвесторларды тарту;
3. Сыртқы инфрақұрылымды жүргізу үшін ЖСҚ (жобалау-сметалық құжаттама) әзірлеу.

   Жобаны іске асырудың басталуы-2024 жылғы ІІ-тоқсан.

Жобаны іске асыру тетігі (негізгі шарттар):

Жобаны іске асыру үшін инвесторды іріктеу жөніндегі конкурстың қорытындысы шығарылғаннан кейін Серіктестік мемлекет пайдасына ауданы 50 га жер учаскесін иеліктен шығаратын болады.

Жер учаскесі «Арнайы экономикалық және индустриялық аймақтар туралы» Қазақстан Республикасы Заңының 44-бабына сәйкес инвесторға берілетін болады.  

Серіктестік Байланыстары:

Кеңес алу үшін Түркістан қаласы, Балтакөл трассасы, 161 квартал, 2400 ғимарат мекенжайына хабарласуға болады.

Жауапты қызметкер-Жолымбек Жамбыл, байланыс телефоны +7 777 999 05 99.

Хабарландыруға  №1 қосымша 

Өтінімді сараптау үшін қажетті құжаттар тізбесі

1. Инвестициялық жобаны іске асыруға өтінім;
2. Заңды тұлғалар үшін-құрылтайшылар құрамын көрсете отырып, заңды тұлғаны мемлекеттік тіркеу/қайта тіркеу туралы куәлік/анықтама; жарғы (барлық өзгерістермен және толықтырулармен); құрылтайшылардың, бірінші басшының жеке куәліктерінің көшірмелері; қаржы және заң құжаттарына қол қою құқығымен бірінші басшыны тағайындау туралы бұйрық және бірінші басшының өкілеттігін растайтын өзге де құжаттар;
3. Инвестициялық жобаны іске асыру туралы құрылтайшының тиісті түрде ресімделген корпоративтік шешімі / шешімі (өтінім бойынша серіктестіктің уәкілетті органының оң шешімі болған кезде ұсынылады);
4. Салық берешегінің және міндетті зейнетақы жарналары мен әлеуметтік аударымдар бойынша берешектің бар немесе жоқ екендігі туралы тиісті салық органының белгіленген нысандағы анықтамасының түпнұсқасы;
5. Жобаны қаржыландыру көздерінің болуын растайтын құжаттардың көшірмелері (ақша қаражатының болуы туралы банктік шоттан үзінді көшірмелер, қаржы ұйымының уәкілетті органының қарыз қаражатын беру туралы шешімі, өзге де растайтын құжаттар);
6. Алдын ала эскиздік жоба (бар болса);
7. Қоршаған ортаға әсерді бағалау (бар болса);
8. Инвестор мен оның құрылтайшыларына бірінші кредиттік бюроның есебін алуға келісім;
9. Дербес деректерді жинауға, өңдеуге және сақтауға келісім беру;
10. Кредиттік берешектің жай-күйі (өткен жыл үшін және ағымдағы жыл үшін); ағымдағы күнгі жағдай бойынша өткен жылдың басынан бастап кезең үшін банктік шоттар бойынша ай сайынғы айналымдар (теңге/валюта) туралы қызмет көрсететін банктерден анықтамалар;
11. Инвестор қатысушыларының жалпы жиналысының жарғыны бекіту туралы, инвесторды құру және тіркеу туралы шешімі, сондай-ақ жарғылық капиталды қалыптастыруды растайтын құжаттар;

* өтінімді қарау (сараптау) барысында Серіктестік қосымша құжаттарды, ақпаратты сұратуға құқылы.