Түркістан облысында әлеуметтік маңызы бар азық-түлік тауарларына бағаларды тұрақтандыру жөніндегі тетіктерді іске асыру қағидаларында айқындалған Түркістан облысында әлеуметтік маңызы бар азық-түлік тауарларына бағаларды тұрақтандыру жөніндегі екінші тетікті іске асыру шеңберінде кәсіпкерлік субъектілеріне қарыз беру туралы хабарландыру (Түркістан облысы әкімдігінің 2019 жылғы 4 қарашадағы №253 қаулысымен бекітілген)

«Түркістан» әлеуметтік-кәсіпкерлік корпорациясы» АҚ 2019 жылғы 4 қарашадағы №253 қаулысымен бекітілген Түркістан облысында әлеуметтік маңызы бар азық-түлік тауарларына бағаларды тұрақтандыру тетіктерін іске асыру қағидаларына сәйкес, Қазақстан Республикасы Үкіметінің 2010 жылғы 1 наурыздағы №145 қаулысымен айқындалған өнім тізбесі бойынша кәсіпкерлік субъектілеріне қарыз беруге қатысу үшін өтінімдер қабылдауды жүзеге асырады:

1) бірінші сортты бидай ұны;

2) бірінші сортты ұннан жасалған бидай наны (пішінді);

3) рожки (өлшеніп салынатын);

4) қарақұмық жармасы (дән, өлшеніп салынатын);

5) тазартылған күріш (домалақ дәнді, өлшеніп салынатын);

6) картоп;

7) асханалық сәбіз;

8) басты пияз;

9) ақ қауданды қырыққабат;

10) ақ қант-құмшекер;

11) күнбағыс майы;

12) сиыр еті (сүйекті жауырын-төс бөлігі);

13) тауық еті (сан сүйек және іргелес жұмсақ еті бар сан жілік);

14) пастерленген сүт, майлылығы 2,5%, жұмсақ қаптамада;

15) майлылығы 2,5% айран, жұмсақ қаптамада;

16) сары май (тұздалмаған, майлылығы кемінде 72,5%, толықтырғыштар және өсімдік майлары жоқ);

17) тауық жұмыртқасы (I санатты);

18) ac тұзы ("Экстра" -дан басқа);

19) сүзбе: майлылығы 5-9%.

Өтінімдерді қабылдау қолма-қол (қағаз тасымалдағышта) Түркістан қаласы, Қызылорда тасжолы 34а мекенжайы бойынша жүзеге асырылады. Өтінімдерді қабылдау уақыты: 09.00 дан 18.00 дейін жұмыс күндері.

Кәсіпкерлік субъектісі қарыз беру үшін мынадай құжаттар тізбесін ұсынады:

1. Қарыз сомасы, ұсынылатын азық-түлік тауарларының тізбесі, қайтару мерзімі көрсетілген өтінім, сондай-ақ нарықта қанша жыл және нарыққа қатысу үлесі туралы ақпарат.
2. Кредиторлық және дебиторлық берешекті, негізгі құралдар тізбесін ашып көрсете отырып, алдыңғы қаржы жылындағы қаржылық есептілік.
3. Кәсіпкерлік субъектісі Жарғысының нотариат куәландырған көшірмесі қоса беріледі.
4. Мемлекеттік тіркеу (қайта тіркеу) туралы анықтама.
5. Бірінші басшыны тағайындау (сайлау) туралы құжаттың нотариат куәландырған көшірмесі (заңды тұлғалар үшін).
6. Бірінші басшыны қоспағанда, өтінімге қол қою құқығына мүдделерді ұсынатын адамға (адамдарға) сенімхат.
7. Кепілге берілетін мүлік объектілеріне мүлікті бағалау туралы есептер.
8. Ұсынылатын тауарлардың ағымдағы бағалары және тарихи қалыптасқан үстеме бағалар туралы ақпарат.
9. Қолда бар несиелер және несие тарихы туралы ақпарат.
10. Салықтар және бюджетке төленетін міндетті төлемдер бойынша берешектің жоқтығы туралы ақпарат.

Кәсіпкерлік субъектісіне қарыз беру үшін негізгі өлшем Түркістан облысының аумағында әлеуметтік маңызы бар азық-түлік тауарларын өткізу бойынша сауда-бөлшек қызметін жүзеге асыру не облыс аумағында әлеуметтік маңызы бар азық-түлік тауарларын өндіруді жүзеге асыру болып табылады.

Кәсіпкерлік субъектісі мамандандырылған ұйымның қарызын қайтару жөніндегі міндеттемелердің орындалуын қамтамасыз етуді ұсынады. Міндеттемелердің орындалуын қамтамасыз ету: кепіл және/немесе банк кепілдігі түрінде ұсынылады. Міндеттемелердің орындалуын қамтамасыз ету Қазақстан Республикасының заңнамасында көзделген жазбаша нысанда ресімделеді.

Қажет болған жағдайда қосымша ақпарат талап етілуі мүмкін.

Мерзімі өткен берешекті қайта қаржыландыруға қарыз берілмейді. Қарыз тек ұлттық валютада беріледі.

Қарыз беру туралы қорытынды шешімді әлеуметтік маңызы бар азық-түлік тауарларына бағаларды тұрақтандыру тетіктерін іске асыруды қамтамасыз ету жөніндегі Комиссия қабылдайды.

Туындаған сұрақтар бойынша хабарласуға болады:

Жанасбаева Лаура Сактагановна – 8-702-720-16-01.

Лаханов Ердаулет Искендерович – 8-705-855-52-39.