«Түркістан» ӘКК» АҚ мен «YDA GROUP» арасында серіктес болу туралы меморандумға қол қойылды.

Түркістан облысында халықаралық әуежай салып жатқан ең ірі түрік инвесторларының бірі «Түркістан» ӘКК» АҚ-мен бірлесіп бірқатар инвестициялық жобаларды жүзеге асыруды жоспарлауда. Атап айтқанда, облыста жергілікті және шетелдік туристер үшін ірі ойын-сауық саябағын салу көзделіп отыр.

Бұған дейін «Түркістан» ӘКК» АҚ Басқарма төрайымы Айгүл Ахмеджанова мен «YDA Insaat Group» компаниясының басшысы Хусейн Арслан өзара кездесіп, өңірдің туристік әлеуетімен танысу үшін жақын маңдағы аумақтарды бірлесіп аралап шықты. Қос тарап басшылары Түркістан қаласы мен жалпы облыстың туризмін дамыту жөніндегі әлеуетті жоспарларын атап өтіп, өңірде инвестициялық жобаларды бірлесіп іске асыру туралы меморандумға қол қойды.

Анықтама: нарықта үлкен тәжірибесі бар «YDA Insaat Group» компания тобының негізі 1954 жылы қаланған. «YDA Insaat» әлемнің көптеген елдерінде әуе өнеркәсібі саласындағы инвестициялық жобаларды, цемент өндірісін, инфрақұрылым объектілерін, жолдарды, көпірлерді, ауруханалар мен тұрғын үй кешендерін қоса алғанда, көптеген түрлі объектілердің құрылысын жүзеге асырған. Бүгінгі таңда компания активінде – Түркістан қаласындағы халықаралық әуежай құрылысы бар.