Түркістан облысының мұқтаж тұрғындарына қайырымдылық және көмек көрсету ӘКК қызметінің маңызды бағыттарының бірі болып табылады. Мәселең, өткен жылы Арыс қаласында болған төтенше жағдай кезінде ӘКК және «Түркістан» әлеуметтік даму корпоративтік қорының (бұдан әрі - Қор) күшімен екі пәтерлі 50 тұрғын үй салынып, әр тұрғынға 100 000 теңге мөлшерінде өтемақы төленіп, материалдық көмекті түсіріп-бөлуге көмек көрсетілді. Сонымен қатар, Covid-19 пандемиясы кезінде Қор қаржылық және өзге де көмек жинау, халықтың әлеуметтік осал топтарын азық-түлік пен бірінші кезекте қажетті тауарлармен қамтамасыз ету бойынша жұмыс ұйымдастырды.

Мақтаарал ауданындағы су тасқыны кезінде де ӘКК Түркістан облысы әкімдігімен бірлесіп су басқан ауылдарды қалпына келтіру үшін қаражат жинау және зардап шеккен тұрғындарға өтемақы төлеу жұмыстарын ұйымдастырды.

Бүгінгі күнге дейін ӘКК Қормен бірлесіп Мақтаарал ауданындағы су басқан ауылдарды қалпына келтіру бойынша жұмыстарды жалғастыруда. Мақтааралда төтенше жағдай басталғаннан бері Қор аудан тұрғындарына қаржылай және өзге де көмек жинау жұмыстарын бастап, 8,5 млрд. теңгеден астам қаражат жинады. Жиналған қаражаттан мақтааралдықтарға малдың жоғалуына байланысты келтірілген залалды өтеу үшін 1000$ өтемақы төленді және Фирдоуси және Өргебас ауылдарындағы үйлерді қалпына келтіруге өтемақы төлеу жұмыстары жалғасуда. Мырзакент кентінде ӘКК «Birgemiz-Turkistan» Корпоративтік қорымен және «Өтемұратов Қоры» жеке қорымен бірлесіп ауданның зардап шеккен тұрғындары үшін 182 тұрғын үйдің құрылысын жүргізуде, ал ӘКК қызметкерлері осы күнге дейін құрылыс процесін сүйемелдеп, құрылыс мамандары ауыл тұрғындарына консультативтік кеңес беруін үздіксіз жалғастыруда.