Түркістан облысы Мақтаарал ауданы Өргебас ауылының жаңадан соғылған үй иелеріне жаңа жиһаз табыс етілді.

Өргебас ауылында 10-нан астам отбасы өз үйлерінің құрылысын аяқтап, қоныс тойын тойлады. Осындай отбасылардың біріне «Түркістан» әлеуметтік даму Корпоративтік қорымен «Астана Моторс» компаниясының өкілдері барып, ауыл тұрғындарына жатын бөлме жиһаздары сыйға тартылды.

Бұған дейін «Астана Моторс» компаниясы су тасқынынан зардап шеккен тұрғындарға көмек көрсету үшін «Түркістан» қорының шотына 50 млн.теңге аударған болатын. Бөлінген қаражатқа Өргебас және Фирдоуси ауылдарының тұрғындары үшін 426 жаңа жиһаз жиынтығы сатып алынды. Осылайша, бүгін жатын гарнитуралардың алғашқы партиясы жаңа қоныстанушыларға жеткізілді.

Сонымен қатар, екі ауылдың тұрғындары «Түркістан» корпоративтік әлеуметтік даму қоры өтемақы ретінде төлейтін қаражатқа өз үйлерінің құрылысын жалғастыруда.