Мақтаарал ауданының тұрғындарына еліміздің түкпір-түкпірінен қолдау көрсетілуде. Осылайша, қазақстандық компаниялар «Түркістан» әлеуметтік даму корпоративтік қорының шоттарына қаражат аударуды жалғастыруда.

Мақтаарал ауданында су тасқынынан зардап шеккендерге қайырымдылық көмек көрсету аясында «Бәйтерек» ұлттық басқарушы холдингі қордың шотына 1 миллиард теңге аударды. Алынған қаражатты қираған тұрғын үйлерді қалпына келтіруге және су тасқынынан зардап шеккен Мақтаарал тұрғындарына өтемақы төлеуге бағыттау жоспарлануда.

Айта кетсек, қазіргі таңда Мақтаарал ауданында құрылыс-қалпына келтіру жұмыстары жүргізіліп жатыр. Сонымен қатар, аудан тұрғындарына жеке тұрғын үй құрылысына өтемақы төлеу жалғасуда.