Мақтарал ауданында тұрғын үйлерді қалпына келтіру жұмыстары жалғасуда. Есеп бойынша, Фирдоуси аулында 327 үй және Өргебас ауылында 189 үй қалпына келтіріледі. Қалпына келтіру жұмыстарын қаржыландыру «Түркістан» әлеуметтік даму корпоративтік қорының (Қор) шотынан тікелей түседі, оған бүгінгі күнге дейін Қазақстанның ірі компаниялары қайырымдылық қаражаттарын аударуда.

Қазіргі таңда 458 отбасы үйлерді қалпына келтіруге қарастырылған соманың 50% – ын, яғни әрқайсысы 8,5 млн. теңгеден алды. Қаржылық көмектің қалған бөлігін тұрғындар бірінші траншты игергеннен кейін ала алады.

Сонымен қатар, үйлерін өз күшімен көтеріп жатқан Мақтаарал тұрғындарына «Түркістан» ӘКК мен Қор үй құрылысы бойынша кеңес беруде.