Құрылысы қайнаған Түркістан қаласында туристер мен келушілерге арнап қолайлы жағдай жасау бойынша ауқымды құрылыс жұмыстары жүргізілуде. Атап айтсақ,  «Түркістан»  әлеуметтік кәсіпкерлік корпорациясы» туристік инфрақұрылым саласындағы жобаларды іске асырады. Соның ішінде,  қонақ үйлер, бутик – қонақүйлер, жаңа мейрамханалар, халықаралық франшизалармен жұмыс істейтін кофейнялар салу жоспарланып отыр. Инвестициялық жобаларды іске асыру үшін әлеуетті серіктес инвесторлармен келіссөздер жүргізілуде.

Мәселен, инвесторлар мен бизнес қоғамдастықтар үшін үлкен жайлылық жасау мақсатында 2020 жылдың қаңтарында «Түркістан» ӘКК (ӘКК) жанынан «Partner Office» арнайы бөлімшесі құрылды. Сондай-ақ, «Partner Office» мамандары жобаны жүзеге асыру кезінде туындайтын мәселелерді шешуге көмек көрсету үшін жобалардың мәртебесіне мониторинг жүргізеді.

Сонымен қатар, биылғы жылдың басынан бастап ӘКК жұмысының ашықтығын қамтамасыз ету жөніндегі кешенді іс-қимылдар шеңберінде компания процестерін жүйелі және нақты реттеу жөнінде бірқатар шаралар қабылдануда. ӘКК инвестициялық жобаларға кіру және шығу ережесін регламенттейтін барлық нормативтік құжаттарды жаңарту бойынша жұмыс жүргізуде.