Әлеуметтік маңызы бар азық-түлік тауарларын белгіленген бағамен «Magnum» супермаркетіндегі сөрелерден сатып алуға болады.

Түркістан облысының тұрғындары ұн, қарақұмық, сиыр еті, тауық еті, сүт, жұмыртқа және басқа да әлеуметтік маңызы бар азық-түлік тауарларын «Magnum» сауда үйінен белгіленген бағамен сатып ала алады. Бұл мүмкіндік «Magnum Cash&Carry» ЖШС-мен шарт жасасқан «Түркістан» ӘКК» АҚ тұрақтандыру қорының бастамасымен жүзеге асты. Осылайша, облыс әкімдігі азық-түлік бағасын тұрақтандырып, аз қамтылған отбасылардың қажетті азық-түлік алуға жұмсайтын шығындарын азайтуды көздеп отыр.

«Түркістан» ӘКК келісімшарты аясында тауар интервенциясын жүргізу үшін 200 млн.теңге бөлінді. Нәтижесінде, Түркістан облысының тұрғындары «Magnum» супермаркетінен бірінші қажеттіліктегі азық-түліктің 19 атауын тұрақтандыру қорының белгіленген бағалары бойынша сатып ала алады. Естеріңізге сала кетейік, Түркістан қаласы бойынша «Түркістан» ӘКК тұрақтандыру қорының бағасымен 13 әлеуметтік дүкен мен 5 супермаркет арқылы азық-түлік сату жүзеге асырылуда.

Анықтама: «Magnum Cash&Carry» ЖШС — Қазақстанның ірі сауда-бөлшек сауда желісі, еліміздің ең ірі жеке компанияларының ондығына кіреді. Негізгі қызметі –халық күнделікті тұтынатын тауарларды сату. Компанияның Қазақстанның 10 қаласында әртүрлі форматтағы 97 сауда кешені бар.