Соңғы екі жыл ішінде Түркістан танымастай өзгерді: күн сайын қаланың әр бұрышында жаңа құрылыстар салынып, есіктерін айқара ашады, бұл қаланы тұрғындар үшін жайлы ғана емес, туристер үшін де тартымды етеді. Облыс басшылығы жайлы саяхат жасау үшін барлық жағдайлар жасап, өңірдің әсемдігін көрсетуге арналған жаңа туристік маршруттарды әзірлеп, енгізуде. Сонымен қатар, негізгі назар - тұрғындарға бағытталған. Олар үшін жаңа жұмыс орындары, демалуға арналған саябақтар мен тұрғын үй алаңдары көбірек салынып жатыр.

Түркістан облыс орталығы болып қалыптасқан сәттен бастап, қалада құрылыс бойынша үлкен жобалар іске асырылуда. Оның ішінде "Түркістан" ӘКК" АҚ және тартылған инвесторлардың күшімен салынып жатқан "Turkistan Jana-qala" тұрғын үй алабының құрылысы да бар. Массив құрамына "Арман" және "Сырдария" тұрғын үй кешендері — 1 418 пәтерлік 44 көп қабатты тұрғын үй кіреді.

"Арман" ТК құрылысы қарқынды жүріп жатыр, ал "Сырдария" ТК құрылысы 2021 жылдың басында аяқталды және қазіргі уақытта пәтерлерді сату процесі жүріп жатыр. Сатуға арналған алаңның жалпы көлемі 365 пәтерге арналған 24 419,77 м2 тұрғын үй-жайды құрады, жалпы сату бағасы 5 млрд.теңгеден асады.

"Сырдария" кешенінің екі үйінің бірінші қабаттарында коммерциялық үй-жайлар орналасқан, ал кешеннің айналасында халықтың жайлы өмір сүруіне арналған инфрақұрылым құрылады. Мәселен, көп қабатты үйлерден жақын қашықтықта қалалық балалар ауруханасы, емхана, спорт кешені, музыка мектебі орналасқан, сондай-ақ балабақшалар мен мектептер салу жоспарда бар.

Қазіргі уақытта "Сырдария" ТК-дегі пәтерлердің негізгі ауқымын "Берен" ЖШС серіктесі жүзеге асыруда. Ал қоғамға тиесілі пәтерлер "Отбасы банк" тұрғын үй құрылыс жинақ банкі" АҚ арқылы өткізіледі.