«Түркістан» ӘКК» АҚ Азық-түлік тауарларының тұрақтандыру қоры (тұрақтандыру қоры) әлеуметтік маңызы бар азық-түлік тауарларының бағасын тұрақтандыру тетігін (ӘМАТ) іске асырады.
Бүгінгі таңда тұрақтандыру қорында 5 000 тоннадан астам тауарлар, оның ішінде ұн, картоп, сәбіз, пияз, қант, күріш, макарон, тұз бар.
Тұрақтандыру қорының тауарларын сату Түркістан қаласының аумағындағы 13 әлеуметтік дүкен мен 5 супермаркет арқылы жүзеге асырылады. Жеке кәсіпкерлерден келіп түскен өтінімдер негізінде барлық сауда нүктелеріне тұрақтандыру қорының тауарлары тұрақты жеткізіліп тұрады.
ӘМАТ бағасын тұрақтандыру үшін «Айналым схемасы» жобасы шеңберінде кәсіпкерлік субъектілеріне (супермаркеттер мен өндірушілерге) қарыз беру мүмкіндігі қарастырылып, жүзеге асырылады. Бүгінгі күні 5 кәсіпкерлік субъектісіне 100 млн. теңгеден астам сомаға қарыздар берілді.
